Sa Local na bayan ng Porac Pampanga naninirahan ang Mag-anak na Manlapaz na kung saan ay isang pamilya ng OFW (Overseas Filipino Worker). Sa loob ng walong taon si Rabbi, 29 anyos ay isang Medical Laboratory Technician sa New Zealand at si Camille Manlapaz, ay isang Food Technologist sa Italy. Ang kanilang ama ay isang OFW sa Saudi Arabi na sa loob ng dalawang dekada ay bibihirang makauwi ng Pilipinas, ang kanilang ina naman ay isang housewife.

Habang Naninirahan sa ibang bansa, Si Rabbi siya ay naudyukan ng pangunahing respetadong dairy exporter sa mundo kung saan ay may makabagong teknolohiya sa agrikultura at magandang Sistema ukol sa Gatasang Kalabaw.

Dito nakita ni Rabbi ang potensyal ng kanilang Bukirin. Kaya’t gamit ang kanyang libreng oras, Nag-sagawa si Rabbi ng iba’t ibang konsultasyon at pag-sisiyasat sa mga proseso ng pagawaan ng gatas ng kalabaw sa Pilipinas upang mailapat ang ilang mga epektibong pamamaraan sa kanyang sakahan na kanyang natutunan sa sa New Zealand.

Dumating ang pag-siklab ng pandemyang COVID—19 noong 2022, at napag-pasyahan ng mag-asawang Rabbi at Jeth na mag-bakasyon sa Pilipinas noong Disyembre 2022, upang makasama ang kanilang mga pamilya. Sa halip na bumili ng tradisyunal na “Pasalubong”, bumili ng forage/silage chopper si Rabbi upang mapadali ang pag-hahanda ng mga pag-kain ng kanilang mga alagang hayop bukod sa kalabaw.

Sa panahon na ito, may dalawang Pamilya ng AETA na panaka-nakang tumutulong sa kanilang bukirin upang mapaulad ang mga pananim na namumunga sa kanilang sakahan at kasama sa pagaalaga ng kanilang mga kalabaw. Sa kanyang kagustuhan na lumawig ang kaalaman ng mga katutubong Aetas, nais ituro ng pamilyang Manlapaz ang mga tamang pamamaraan sa pag-sasaka at pag-aalaga, at dahil dito, naging inspirasyon ng pamilyang Manlapaz na mag-bigay ng pang-matagalang trabaho sa mga katutubong Aetas, na kung saan ay kamakailang iginawad sa publiko ang “certifications of their ancestral territory” taong 2022. Bilang karagdagan sa kanilang layunin naisip ni Rabbi, na upang magampanan ito, kinakailangang gamitan ng upgade mula sa tradisyunal na-pag-sasaka tungo sa moderno ngunit cost-effective na pamamaraan.

Bukod sa nakitang potensyal ng pamilyang Manlapaz sa Dairy Farming at Dairy Processing. Isa sa kanyang adhikain sa susunod na mga panahon ay bumuo ng isang assosasyon upang maka-tulong sa iba pang local na dairy farmer. Bukod rito pangarap ni Rabbi na ang kanilang Dairy Farm ay maging isang Multiplier Farm. Kaya naman noong Enero 2023, pormal na itinatag ang kanilang sakahan at ipinangalan bilang “ManlapazDavid Dairy Farm” ito ay bilang isang parangal sa kanyang pamilya, na matatagpuan sa bayan ng Jalung, Porac Pampanga.

Ang tiyuhin ni Rabbi na si Nile David ay isang Animal Science Consultant na kung saan ay isang dalubhasa sa pag-tuturo ng pangangalagang pag-kalusugan ukol sa pang-kahayupan, isang halimbawa ang pagmamaraan ng Artificial Insemination upang maparami ang kasalukuyang imbentaryo ng MDDF.

At sa kaniyang ilang linggong bakasyon sa Pilipinas inilaan ni Rabbi ang kanyang oras sa pananaliksik ukol sa “Dairy Processing” pati narin ang pakikipag-ugnayan sa Local Government Unit (LGU) at pagpupulong kasama ang Punong Lungsod ng Porac, Pampanga.

Hindi rito natatapos ang kanyang pag-sulong sa kanyang pangarap. Kamakailan noong Pebrero sa kasalukuyang taon 2023, humingi ng tulong sa DA-PCC (Department of Agriculture, Philippine Carabao Center), si Rabbi sa pamamagitan ni Dr. Ericson N. Dela Cruz na kasalukuyang Center Director ng DA-PCC at CLSU (Central Luzon State University), na tiniyak na ang kanyang grupo ay ipupulong upang mag-bigay ng anumang kinakailangang suportang teknikal ukol sa Carabao-Based Enterprise Development (CBED) at sa mga kinakailangan pag-sasanay. Mula Marso hanggang Mayo 2023, ang PCC at CLSU ay nag-sagawa ng iba’t ibang uti ng pagsasanay sap ag-proseso ng produkto gaya ng “Pasteurized milk, Chocolate Milk, Kesong Puti, Pastillas, coffee Milk at Ice Cream, pati narin ang Wastong pamamaraan sa paghawak ng Gatas ng kalabaw.

Ang pag-sibol ng Puklo

Dahil dito nakita ng pamilyang Manlapaz ang potensyal sa pag-market ng kanilang gatas na kanila namang sinimulan ang kanilang Negosyo na pinangalanang “PUKLO”, na ang sagisag na Logo ay hango sa “Sungay ng kalabaw” at “Teat o suso” na nagpapahiwatig na "Nature has her own way of turning grass into abundant, delicious, and nutritious milk.”

Ang pamilyang Manlapaz ay naniniwala na ang MDDF ay mapapanatili ang kanilang sakahan kung maibibigay nila ng inobasyon, maganda at matibay na imprastraktura, tamang proseso ng pag-hawak ng gatasang kalabaw, paggawa ng produkto at angkop na modernong kasanayan sa pag-sasaka at pag-buo ng Dairy Processing Plant.

Naniniwala ang pamilyang manlapaz na walang imposible, dahil sa suportang kanilang nata-tanggap mula sa Lokal na Pamahalaan ng Porac at ng mga kasama nito. Ang lahat ng pag-susumikap ng mag-kapatid ay alay para sa kanilang magulang na sina Rey Manlapaz at Josefina David Manlapaz, ang kanilang planong bumalik at manirahan sa Pilipinas ay upang mapunan at makabawi sa mga taon na hindi nila nakasama ang kanilang ama sa loob ng halos dalawang dekada.

Ang “PUKLO” ay nagbukas ng kasalukayang taon 2023 Buwan ng Abril ay nag-bukas na sa publiko upang bilhan ng na produktong gawa s agatas ng kalabaw na matatagpuan sa Stall #6 Ground Floor, L&M commercial Building General Luna Street, Cangatba, Porac Pampanga.