Alinsunod sa layunin ng Department of Agriculture (DA) na gawing moderno ang sektor ng agri-fishery, nagkaroon ng paghuhusay sa dalawang database management system (DMS) ang DA-Philippine Carabao Center (PCC) noong Mayo 31-Hunyo 2 sa Richmonde Hotel sa Iloilo kasama ang mga kliyente at Carabao Based Enterprise Development (CBED) coordinators.

Ang tinutukoy na dalawang DMS ay ang mga pinaigting na researchbased enterprise build-up (iREB) 2.0 at major final output (MFO) dashboard na bersyon 3.

Sinabi ng Planning and Information Management Officerin-Charge ng DA-PCC na si Alvin David na ang pagpapahusay ng dalawang DMS ay ang output ng Database Management Enhancement System Project ng DA-PCC, na pinondohan ng DABureau of Agricultural Research.

“Ang iREB2.0 ay isang tool para sukatin ang profitability at productivity ng CBED sa antas ng kliyente o komunidad ng DAPCC sa buong bansa, habang ang MFO dashboard ay isang tool para sukatin ang output ng DA- PCC bilang isang ahensya," paliwanag ni David.

Dagdag pa niya, ang sistema ay isang mahusay na instrumento para sa pagbuo ng impormasyon, lalo na kapag gumagawa ng mahahalagang desisyon sa negosyo at pagpaplano para sa mga targets ng ahensya.

Sinang-ayunan rin ito ni Business Development Commercialization Unit Head Zadieshar Sanchez na ang pinahusay na bersyon ng iREB1.0 ay binuo ng DA-PCC kasunod ng inisyatiba nito na magbigay ng halaga sa lahat ng mga negosyong bunga ng pananaliksik.

Sa kabilang dako, sinabi ni DA Assistant Secretary for Planning and Regulations Dr. Liza Battad na pinapahusay ng iREB 2.0 ang mga programa ng DA-PCC sa CBED. Idinagdag din niya na ang nasabing sistema ay isang magandang tool para ipakita kung gaano kahusay ang mga kliyente ng CBED.

Samantala, ibinahagi ng Science Research Analyst ng DA-PCC na si Pauline Maramag at Project Evaluation Officer na si Catherine Alyssa Licudo, ang mga pinahusay na feature sa iREB 2.0 at MFO dashboard version 3.

"Ang aming iREB1.0 ay may ilang mga limitasyon sa paggamit. Ngunit sa bersyong ito, nalutas namin ang mga isyu at pinahusay pa ang mga kinakailangan ng gumagamit ng database, graphic user interface, mga account ng kooperatiba ng magsasaka, at rate ng oras ng paglo-load. Mayroon din itong data privacy feature kung saan binibigyan ang user ng mga karapatan ng privacy at seguridad sa kanyang account," paliwanag niya.

Kabilang sa mga pagbabago ang pagkakaroon ng computation tab, status ng mga performance commitment reviews (PCRs), pagdaragdag ng mga function sa pag-export at iba pang mga administrative functions.

Nagsagawa din ng mga hands-on session para sa mga kalahok na pahalagahan at maging pamilyar sa dalawang DMS. Binigyan din sila ng pagkakataon na ipakita ang kanilang karanasan sa paggamit ng mga nasabing sistema.

“Sa pamamagitan ng iREB2.0, madali na nating maa-assess ang performance ng ating mga farmermembers dahil madali nating masusuri base sa kanilang profile at data ang mga lugar kung saan natin sila mabibigyan ng agarang tulong sakaling kailanganin nila ito,” saad ni Bohol Dairy Cooperative General Manager Herbert Joseph Tan Puracan.

Masayang ibinahagi ni Baclay Multipurpose Cooperative General Manager Richard Hidalgo, isa pang kalahok, na sa pamamagitan ng iREB2.0, maaari na nilang mamonitor at suriin kung kumikita ang kanilang negosyo sa isang click lang mula sa kanilang mga computer.

Sa hinaharap, ang iREB2.0 ay magkakaroon ng bersyon ng mobile app, na magagamit offline para sa mga layunin ng pangangalap ng data at mga kakayahan sa pagbuo ng ulat. Bibigyan din ang mga kliyente ng pangkalahatang guideline o manual kung paano gamitin ang system at kung gaano kadalas nila dapat i-encode ang data sa DMS.

Ang parehong cascading workshop ay isasagawa ng DA-PCC sa Tagaytay para sa mga kliyente nito at CBED coordinators ng Luzon sa unang linggo ng Hulyo 2022.